u2me! | cover

Ang lalaki sa likod ng 'PARA SA HINDI BIRTHDAY!' TV commercial ng KFC si Brylle na nagugustuhan ni Clang na isa lang hamak na tindera sa karinderya na all of a sudden ay anak pala ng isang business tycoon sa Pilipinas at titira sa isang condo na katabi ang unit ni Terrence na soon to pass the Bar Exams na may lihim na pagtingin kay Clang na makakasama ni Brylle sa condo.

Ang gulo 'di ba? Makisali na sa riot!

u2me!♡

•1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20•

A Love to Kill Ep-03.4

Magkatabi lang si Brix at Warren sa loob ng sasakyan pero tila may pader na pumapagitna sa kanila. Saglit na sinilip ni Warren si Brix pero nakatingin lamang ito sa bintana ng sasakyan.

Lumipas ang buong linggo na tahimik lang si Brix, iwas siya sa ano mang pagkakataon na malapitan siya ni Warren.

A Love to Kill Ep-03.3

Inakyat ni Warren ang attic, at katulad ng sinabi sa kanya ni Iris, naroon ang mga bagay na magagamit ni Warren, 'magagamit saan? Tapos na ang serbisyo ko sa Supremo, wala namang pinapagawa sa akin si Iris. Kailangan kong malaman kung ano ba talaga ang nangyayari.' Naputol ang iniisip ni Warren ng biglang tumunog ang CP niya, "Hello?"

"Hello, Warren?" tanong ng babae sa kabilang linya.

"Oo, si Warren nga ito, sino 'to?"

"Ah... Lindsey..."

"Tan?"

"Yes, ah... Gusto ko lang malaman kung ok lang sayong..."

"Alam mo number ko?"

"Ah... Hiningi ko kay Vince..."

"About sa play ba 'to?"

"Oo eh... Kasi... Hindi talaga ako marunong..."

"Dialogues? Ako rin naman eh..." patawang sabi nito.

"Alam ko, ako nagpasok sa ating dalawa sa gulo na 'to, but maybe, can we be friends?" marahang tanong ni Lindsey.

Natawa na lang si Warren, "sure... Sure... Pasensya na rin at hindi kita masyado ina-approach these days... Umiiwas lang akong masampal ulit."

Matagal na nag-usap pa ang dalawa sa CP, at nagkayayaang magkaroon ng pribadong dayalogo para sa i-practice ang kanilang linya sa Theatro.

A Love to Kill Ep-03.2

Nakauwi si Warren na panaginip niya lamang ang kanyang iniisip.

"Kuya... Andaming baril sa attic..." salubong sa kanya ni Andrei.

Walang pakealam si Warren, umakyat siya sa isang kwarto na tila kabisadong-kabisado ang buong bahay.

A Love to Kill Ep-03.1

Episode 3 - Misfortune

Gabi, walang tigil na nag-iiyakan ang dalawang bata, pilit silang ikinukubli ng kanilang ina sa kanyang likuran, itinatago sa kanyang nagwawalang asawa. Ilang buwan na itong ganito, lasing, simula nang makansela ang kanyang lisensya bilang isang pulis.

"Tama na Fred..." pakiusap ng nanay ng dalawang bata, "natatakot na ang mga bata..."

Imbis na pakinggan ang kanyang asawa, kamao ang tugon nito.

Nang mga oras na iyon, natauhan na ang babae na wala nang magbabago sa kanyang kasalukuyan, agad niyang niyakad ang mga bata papasok ng kwarto at ilang minuto lamang ay lumabas silang may dala-dalang mga bagahe.

Papalabas na ang mag-iina ng pinto nang harangin naman sila ni Fred, “saan mo dadalhin ang mga bata Cecille?!”

“Isasama ko sila!”

Agad dinampot na parang mga tuta ni fred ang dalawang bata, “hindi sila aalis!” sigaw nito.

Nagpupumulit pang lumapit si Cecille sa mga bata ngunit lubhang malakas si Fred na kasalukuyan siyang pinagtutulakang palayo. Ilang saglit lang, naitulak nang palabas ni Fred si Cecille, kasunod nito ang paghagis niya ng mga nito palabas ng kanilang bahay. Matapos noon, agad isinara ni Fred ang kanilang pinto.

Rinig na rinig mula sa labas ang pagtsi-tsismisan ng kanilang mga kapitbahay kasama na rin ang pagkalabog ni Cecille sa kanilang pintuan, bago matapos ang kanyang pagkalabog sa pinto, isang pangako ang iniwan niya, “babalikan ko kayo!”

Nang mga oras na yon, lumakas pa lalo ang iyak ng bunsong babae na lubhang nagpainit ng ulo ni Fred, binuhat nito ang bata at ikinulong sa banyo. Pagbalik niya sa salas kung saan naiwan ang panganay niyang lalaki, doon niya nakita ang kanyang anak na puno na ng galit.

Hawak-hawak ng pitong taong gulang na batang lalaki ang baril ng kaniyang ama. Nakatutok ito sa direkson kung nasaan ang kaniyang tatay, nakatutok sa ulo nito.

“Ibaba mo yan!” sigaw ni Fred, “hindi ako nakikipaglaro sayo! Isa!”

Nabingi na ang bata sa lahat ng kaniyang nasaksihan kanina.

“Dalawa!”

Humuhikbi man, bakas na bakas sa ga mata ng bata ang poot na nadarama sa kaniyang ama.

Kasabay ng putok ng baril, nilamon na lamang ng ingay nito ang huling isinigaw ni Fred, “WARREN!”

Pawis na pawis si Warren nang magising, nagising siya gawa ng ingay ng doorbell na malapastangang pinipindot ng kung sino man ang nasa baba, “wala ba si Andrei?” bulong nito sa sarili.

Agad siyang lumabas ng bahay at tinungo ang kanilang gate, ng buksan ni Warren ito, tila huminto ang pag-ikot ng kaniyang mundo.

Nakatayo, sa harap niya, ang kanyang ama, buhay, at di tulad ng kanilang huling pagkikita ang kaniyang ama naman ang may hawak ng baril na nakatutok naman sa ulo ni Warren.

Mapaglaro ang mga tingin ni Fred, “Kamusta ka na? Anak?”

Liwanag na lamang ang sumunod na nakita ni Warren.

A Love to Kill Ep-02.4

Hapunan sa bahay ng mga Tan,

"Bakit ka nga pala umuwi?" tanong ni Lindsey sa kapatid.

"May deal lang ako dito sa Manila, by next week siguro babalik na ako ng Cebu, ikaw? How's school?"

Bigla namang pumasok sa usapan si Enrique, "she's taking Business Ad."

"Business Ad? Akala ko ba Fine Arts ang kukunin mo?" tanong ni Arthur.

"Yun yung gusto ni Daddy..." walang ganang sagot ni Lindsey.

"Pa?! Pati ba naman si Lindsey?!" angal ni Arthur sa ama.

Walang imik, nagpatuloy lamang sa kanyang pagkain si Mr. Tan.

A Love to Kill Ep-02.3

Cafeteria, 12:30pm

"Ayoko nang mag-aral..." reklamo ni Andrei.

"Kumain ka na lang dyan," sagot naman nito matapos kumagat sa sandwich na kinakain.

Nang makita ni Lindsey si Warren, agad niya itong nilapitan, "4pm daw tayo kailangan ni Mrs. Sarmiento sa auditorium."

"OK..." sagot naman ni Warren, "Kain?" alok naman nito sa dalaga.

"No thanks, busog pa ako," sagot ni Lindsey nang bigla namang dumating si Allysa.

"Girl! Tara kain na tayo! Baka himatayin ka na naman sa gutom!" sigaw ni Allysa.

Bahagyang natawa naman si Warren kaya mabilis na umalis si Lindsey sa harap nito.

"Type ka nun," sambit naman ni Andrei.

"Andito tayo kasi nag-aaral tayo..." sagot naman ni Warren.

"Eh panay nga porma mo... Ano kuya? Gusto mo mag-shift ng Business Ad?"

"Ikaw ang mag-shift ng Business Ad! Anong mapapala mo sa Fine Arts? Maghihirap ka lang dyan!" sigaw naman ni Warren.

A Love to Kill Ep-02.2

Monday, 9:00am, Guidance Office

“Theatre arts?!” tanong ni Warren.

“That is your punishment, both of you,” sagot ng Guidance Councillor na si Ms. Irish Medina.

“But, this is all his fault,” depensa naman ni Lindsey.

“Ikaw ang sumampal, ako pa ang may kasalanan?!” sigaw naman ni Warren.

“Kitang-kita ko naman na… Hindi kayo magkasundo… I guess a week on Theatre Arts would loosen the tension between you two… Sa ngayon, wala pa akong ire-record sa inyo, pero kapag naulit ito, I may call your parents…”

Napa-hingang-malalim na lang si Lindsey at nagpaalam ng umalis, agad naman siyang lumabas ng silid.

Napasandal muna ng upuan si Warren bago tuluyang tumayo, palabas na siya ng pinto ng…

“UNO.”

A Love to Kill Ep-02.1

Episode 2 - Disguise

“Ikaw si Warren?” tanong ni Lindsey. Nang biglang mawalan ng ilaw, maging ang pagkanta ni Andrei ay natitigil.

Ilang saglit lang may napuna si Lindsey sa ulunan ng kasayaw. Isang maliit na pulang ilaw, laser.

Kung anong bagal ng mga pangyayari kanina, kabaligtaran naman ito ng sa ngayon.

May liwanag na nanggaling sa entablado, tila isang putok ng baril, ngunit walng ingay na narinig mula rito, kasabay nito ang pagkawala ng pulang ilaw sa sentido ni Warren.

Bumalik ang liwanag sa paligid. Makabasag tenga ang ingay mula sa feedback ng mga speakers. Panay ang pagmamasid ni Warren sa paligid.

“Kuya!” tawag ni Andrei mula sa likuran.

“Saglit lang,” paalam ni Warren kay Lindsey.

A Love to Kill Ep-01.5

Sa isang mall,

"Sigurado ka ba na Mask Party ang theme ng Acquaintance?" usisa ni Warren.

"Yup..." sagot naman nito habang inaayos nito ang Americana na suot ng kapatid

"Eh ang point nga ng Acquaintance ay para magkakilala-kilala ang isa't-isa, tapos magma-mask?"

"Dun ka magreklamo wag sa akin," kinuha ni Andrei ang isang maskara na kahalintulad ng sa Phantom of the Opera at isinuot sa kapatid, "o ha... Astig di ba?"

Pumasok din sina Lindsey at Allysa sa shop kung saan naroon ang magkapatid.

"Taga-Richmond din siguro yung mag-jowa," turo ni Allysa kayla Andrei, "ang sweet..."

Kinabig ni Lindsey ang pinsan, lumapit sila, "Sa Richmond din kayo nag-aaral?" tanong nito kay Andrei.

"Oo eh... Di ba Mask Party ang theme ng Acquaintance? Hindi kasi naniniwala 'tong kapatid ko..."

"Brother-sister pala..." singit ni Allysa sa nagtitinginang Lindsey at Warren na kasalukuyang naka-maskara.

A Love to Kill Ep-01.4

Friday, 6:00pm, GD State Tower

"Thank you for coming..." bati ni Mr. Tan sa mga nakakasalubong na bisita sa Corporate Party ng kinabibilangang kumpanya.

Di nagtagal dumating din si Lindsey kasama ang pinsang si Allysa.

Sa kabilang banda, si Andrei, "Gotcha..." signal niya sa kapatid na nasa CR.

Umpisa na para maghanda si Warren, ni-lock ang CR, inuna niya ang camera na nakakabit sa loob, kumunekta siya sa cord at, naka-still image na ang camera.

Agad kumuha ng Wine si Andrei sa sine-serve ng mga paikot-ikot na waiters, nilapitan ang dahilan kung bakit naroon sila ng kapatid.

"I'm sorry..." paumanhin ni Andrei kay Mr. Edgar Clemoro matapos nitong matapunan ng alak sa damit ang negosyanteng kasosyo ni Mr. Enrique Tan. Kumuha ng tissue ang dalaga mula sa kanyang bag at marahang pinunasan ang lalaki.

Habang ginagawa yon ni Andrei ay tila ba nakikiliti ang matanda.

"I'm very sorry," hinto ni Andrei sa ginagawa, "do you want me to accompany you to the rest room?"

"No... I'll be just fine... Just wait for me here..." sabay kindat kay Andrei.

Nang makaalis ang matanda, kinuha niya ang maliit na mic sa kwintas niya, "It's your turn."

A Love to Kill Ep-01.3

"Sino ka?!" sigaw ni Lindsey matapos niyang gumising sa kanyang panaginip kung saan nagpakitang muli ang lalaki.

Nagulat ang Nurse, "Nurse po ako dito..."

Natahimik sandali si Lindsey, "sinong nagdala sa akin dito?"

"Ah... Yung gwapo... Warren ang pangalan... Warren Javier," sagot ng malanding Nurse.

Biglang dumating si Allysa, "Girl! Anyareh?!"

A Love to Kill Ep-01.2

"Anong naisip mo kuya at mag-e-enroll tayo dito?" usisa ni Andrei habang naglalakad na sila sa pathway ng Richmond.

"Normal life," sagot ni Warren.

"Kamusta sa kampo ni Iris? Sabi nila mahigpit daw yung babaitang yon..."

"Hindi ko pa siya nakikita."

Nagtaka si Andrei.

A Love to Kill Ep-01.1

Episode 1 - Pilot

Malamig ang hangin na humahalik sa pisngi ni Lindsey. Kakaiba ang lamig ng hangin kumpara sa ibang gabi. Niyakap niya ang kanyang sarili para ibsan ang nanunuot na ginaw. Ilang saglit lang, nakarinig siya ng ingay mula sa kanyang likuran, ingay ng kinakasang baril.

Nag-iba na ang eksena, tumatakbo na siya, hinahabol siya ng dalawang hindi nakikilalang mga lalaki.

Ngayon, nasa tuktok na siya ng isang pamilyar na gusali, napalingon, "Wala ka ng matatakbuhan!" sigaw ng isa sa mga goons na kanina pa humahabol sa kanya.

Habang unti-unting lumalapit sa kanya ang mga lalaki ay unti-unti rin siyang napapaatras.

Na-corner na siya, nasa dulong parte na siya ng rooftop at isang atras na lang, kamatayan na ang naghihintay sa kanya.

Biglang lumakas ang hangin, matagal bago napagtanto ni Lindsey na nahuhulog na pala siya. Napapikit na lang ang dalaga.

Mainit na braso na ang nadarama niya, tila ba sinalo, buhat siya ngayon ng isang lalaki, pero hindi niya maaninag ang itsura nito dahil sa dilim ng paligid.

"Sino ka?" tanong ng dalaga.

Nang sumagot ang binata biglang may pumutok na baril na naging dahilan para hindi marinig ni Lindsey ang tinig ng lalaking karga-karga siya.

Sa wakas, nagising rin si Lindsey. Pagkatapos siyang bingihin ng alarm clock niya, imposibleng mabalikan pa niya ang kanyang panaginip at alamin kung sino ang lalaking nagligtas sa kanya.

"Sino kaya yun?" tanong niya sa sarili, "hay..." mapanghinayang niyang tono.

A Love to Kill | Cover

Episode 01 - Pilot

>> 01.1 | 01.2 | 01.3 | 01.4 | 01.5

Episode 02 - Disguise

>> 02.1 | 02.2 | 02.3 | 02.4

Episode 03 - Misfortune
>> 03.1 | 03.2 | 03.3 | 03.4

Episode 04 - Frienemy 

>> 04.1 | 04.2 | 04.3 | 04.4 | 04.5